बरिष्ठ कलाकार मदन कृष्ण श्रेष्ठले देशलाई आफ्नो सम्झेर काम गरे परिवर्तन सम्भव रहेको बताएका छन् । भरतपुर महानगरपालिकामा धुर्मुस सुन्तली फाउन्डेसनले बनाउन लागेको क्रिकेट रंगशालाको घोषणा कार्यक्रममा श्रेष्ठले हरेकले देशलाई आफ्नो सम्झेर अगाडी बढे देश बन्ने बताएका हुन् । उनले इमान्दारीताका साथ काम गरे इमान्दारिताकै जित हुने प्रष्ट पारे ।
इमादरिता नभएको , देश प्रतिको माया नभएको , बेईमानीका कारण, पैसा र सत्ताको पछाडी लागेको कारण देश पछाडी परेको उनले बताए । यस्तो अवस्थामा उदाहरणीय काम गरेका धुर्मुस सुन्तलीलाई उनले सलाम ठोक्दै स्याबासी दिए ।
उनले सबैभन्दा धेरै भ्रष्ट्राचार राजनीति र ब्युरोक्रेसीमा हुने गरेको र अहिले जताततै भ्रष्ट्राचार फैलिएको बताए । कला क्षेत्रमा पनि भ्रष्ट्राचार हुने गरेको तर धुर्मुस सुन्तलीले यस क्षेत्रको नाक राखेको उनले बताए । श्रेष्ठले सम्बोधन गर्दा गर्दै प्रधानमन्त्री कार्यक्रम स्थल प्रवेश गरेपछि उनले रोस्टम बाटै प्रधानमन्त्रीलाई नमस्कार गर्दा हल भरी हाँसो छाएको थियो ।
हेर्नुस भिडियो ।