प्रहरीको गोली लागेर नेत्रविक्रम चन्द (विप्लव) समुहका एक कार्यकर्ताको मृत्यु भएको छ । भोजपुरमा मंगलबार दिउँसो प्रहरीसँगको मुठभेडमा घाइते भएका कार्यकर्ताको मंगलबार राति उपचारको क्रममा मृत्यु भएको छ। मृत्यु हुनेमा षडानन्द नगरपालिका–२ कुदाककाउले घर भएका तीर्थराज घिमिरे रहेका छन् ।
घाइते घिमिरेको उपचारका क्रममा बुधबार बिहान करिब साढे ३ बजेतिर धरानस्थित वीपी कोईराला स्वास्थ्य विज्ञान प्रतिष्ठानमा मृत्यु भएको हो । अस्पताल ल्याउन ढिलो गरेको कारणले घिमिरेको मृत्यु भएको प्रतिष्ठानले जनाएको छ ।
भोजपुर जिल्लाको टेम्केमैयुङ गाउँपालिका–१ तिम्माको धोद्रे जङ्गलमा मंगलबार दिउँसो प्रहरी र विप्लव समूहका कार्यकर्ताबीच मुठभेट भएको थियो । मंगलबारको मुठभेडमा घिमिरेको खुट्टामा गोली लागेको थीयो । घिमिरलाई मंगलबारनै उपचारका लागि धरान लगिएको थियो।
विप्लव समूहका कार्यकर्ताले प्रहरीमाथि फायर गरेको र जवाफी कारवाहीमा घिमिरेलाई गोली लागेको थियो ।