विप्लव नेतृत्वको समूहले आह्वान गरेको नेपाल बन्दको क्रममा देशका विभिन्न स्थानमा बम फेला परेका छन् भने केहि स्थानमा विस्फोट भएका छन् ।
यसै क्रममा नेकपा अध्यक्ष पुष्पकमल दाहाल प्रचण्डको घर जाने बाटोमा पनि बम फेला परेको छ। ललितपुरको टुटेपानी भन्ने ठाउँमा बम भेटिएको हो। यहि बाटो हुदै प्रचण्डको निवास खुमलटार पुगिन्छ । बिहान विप्लव नेतृत्वको समूहले उक्त स्थानमा बम राखेको प्रहरी जनाएको छ । उक्त बम नेपाली सेनाले डिस्पोज गर्ने तयारी गरिरहेको छ ।
त्यस्तै ललितपुरकै भैंसीपाटी, हात्तीवन र खुमलटारमा पनि बम भेटिएको छ । भैंसीपाटीको बम सेनाको डिस्पोजल टोली डिस्पोज गरिसकेको छ ।
