प्रतिनिधिसभाका सभामुख कृष्णबहादुर महराले सांसदहरुलाई बजेट पेश हुने मिति र समयबारे जनकारी गराएका छन। सोमबार बसेको प्रतिनिधिसभा बैठकमा सभामुख महराले आर्थिक बर्ष २०७६/७७ को बजेट जेठ १५ गते बुधबार अपरान्ह ४ बजे संसदमा प्रस्तुत हुने बताएका हुन् ।
त्यस्तै सभामुख महराले सांसदहरुलाई अपरान्ह ३ः४५ बजेभित्र सभाहलमा प्रवेश गरी आआफ्ना स्थानमा बस्नसमेत आग्रह गरेका छन् ।
बुधबार अर्थमन्त्री डा युवराज खतिवडाले संघीय संसदका दुवै सदनको संयुक्त बैठकमा बजेट पेश गर्ने भएका हुन। यो डा खतिवडाको दोस्रो बजेट हुने छ । संविधानको धारा ११९ मा प्रतिनिधिसभा र राष्ट्रियसभाको संयुक्त बैठकमा जेठ १५ गते बजेट प्रस्तुत गर्नु पर्ने ब्यबस्था छ ।
