दाङमा अवैधरूपमा चलिरहेका भारतीय गाडीलाई ट्राफिक प्रहरिले पक्राउ गरेर कारवाही गरेको छ । जिल्ला ट्राफिक प्रहरी कार्यालय दाङले विभिन्न बहानामा दाङ आएर सस्तोमा सामान ढुवानी तथा यात्रु ओसारपसार गर्ने गरेका पाँच गाडीलाई पक्राउ गरेको हो ।
प्रहरिले रुट परमिटविनै यात्रु बोक्दै आएको एउटा बोलेरो र चार जिपलाई नियन्त्रणमा लिई रु एक÷एक हजार जरिवाना काटेर थप कारवाहीका लागि यातायात व्यवस्था कार्यालय दाङमा पठाएको छ ।
भारतीय गाडी दाङ आएर व्यावसायिकरूपमा यात्रु ओसारपसार गरिरहेको भन्ने जनगुनासो व्यापक रुपमा आएपछि ट्राफिक प्रहरिले निगरानि बढाएको ट्राफिक प्रहरी कार्यालय दाङका प्रमुख मदन कुँवरले बताए ।
त्यस्ता सवारीसाधन भन्सार अनुमति लिएर निश्चित प्रयोजन र निश्चित समयका लागि मात्रै नेपालमा सञ्चालन हुन पाउने प्रावधान छ । यसरि सन्चालन हुने सवारिलाई यातायात व्यवस्था कार्यालयले रु पाँच हजारसम्म जरिवाना गर्ने व्यवस्था छ ।
