कपिलवस्तुमा गोली चलेको छ । जिल्लाको शुद्धोधन गाउँपालिकाका स्थानीय नेता रामनयन यादवमाथि अज्ञात समुहले गोली प्रहार गरेको प्रहरीले बताएको छ ।
बिहीबार दिउँसो २ बजे गोली प्रहार भएको प्रदेश ५ प्रहरीका प्रवक्ता डीएसपी नवराज पोखरेलले जानकारी दिए । पाखुरामा गोली लागेका यादवको तौलिहवा अस्पतालमा उपचार भइरहेको छ ।
पूर्व नयाँ शक्ति पार्टीबाट गाउँपालिकाको अध्यक्षका उम्मेद्वार समेत बनेका यादव समाजवादी पार्टीका स्थानीय नेता हुन् ।
