बुटवल–भैरहवा सडक खण्डमा भारतीय नम्बर प्लेटको जीपले मोटरसाईकललाई ठक्कर दिँदा मोटरसाइकलमा सवार दुई जनाको मृत्यु भएको छ । सडक खण्डको अञ्चलपुरमा जीपले ठक्कल दिँदा रुपन्देहीको ओमसतिया ३ का अन्दाजी ५८ वर्षीय प्रेमजित थारु र उनकी श्रीमती ५६ वर्षीय बासमति थारुको मृत्यु भएको हो ।
भैरहवाबाट बुटवल आउंदै गरेको लु २४ प २८३५ नम्बरको मोटरसाइकललाई यूपी १४ सीबी ००११ नम्बरको जीपले ठक्कर दिँएको हो । मोटरसाइकललाई ठक्कर जीप भागेको थियो । तर मंगलापुर प्रहरी चौकीले नियन्त्रणमा लिएको छ ।