तत्कालीन एमाले सांसद डोलबहादुर कार्की(डिबी) पक्राउ परेका छन्। केन्द्रीय अनुसन्धान ब्युरोले कार्कीलाई बिहीबार बिहान सतुङ्गलबाट पक्राउ गरेको हो ।
‘इन्स्पेक्टर बनाइदिने’ भन्दै घूस लिएको अभियोगमा उनीविरूद्ध सर्वोच्च अदालतले ६ महिना कैद र एक लाख रुपैयाँ जरिवानाको सजाय सुनाएको थियो । त्यसयता उनी फरार थिए ।
कार्कीको स्याङ्जा जिल्ला साबिक टकसार गाविस वडा नं. ६ स्थायी हो। उनी हाल काठमाडौं-१४ कलंकी डेरा गरी बस्दै आएका थिए। पहिलो संविधानसभा चुनावमा लमजुङबाट तत्कालीन नेकपा एमालेबाट उनी समानुपातिक सभासद चुनिएका थिए।
कार्कीलाई कैद भुक्तानका लागि कारागार कार्यालय डिल्लीबजारमा पठाइएको छ।
