इंगलिस प्रिमियर लिग फुटबल प्रतियोगितामा आज आइतबार २ खेल हुदै छन् । आज हुने पहिलो खेलमा नेपाली समय अनुसार साँझ ६:१५ मा म्यानचेस्टर सिटी र साउथह्याम्पटनबिच प्रतिस्पर्धा हुने छ । आजको खेल जित्दै सिटी अंक तालिकाको शिर्ष स्थानमा उक्लने योजनामा छ भने साउथह्याम्पटन महत्वपूर्ण ३ अंक बटुल्ने सोचमा छ । सिटी १९ अंक सहित तेस्रो स्थानमा छ भने साउथह्याम्पटन १२ अंक सहित ८ औ स्थानमा छ ।
आज हुने अर्को खेलमा चेल्सी र म्यानचेस्टर युनाईटेड भिड्ने छन् । नेपाली समय अनुसार राति ८:४५ बजे हुने खेल चेल्सीको घरेलु मैदानमा हुने छ । चेल्सी आजको खेल जित्दै शिर्ष स्थानका क्लबहरुलाई दबाब मै राख्ने योजनामा छ । संघर्षरत म्यानचेस्टर युनाईटेड भने आजको खेल जित्दै शिर्ष ५ मा पर्ने योजनामा छ ।
चेल्सी हाल १६ अंक सहित ५ औ स्थानमा छ भने युनाइटेड १४ अंक सहित ७ औ स्थानमा छ ।
