नेकपाको सचिवालय बैठक ५ बजेका लागि सरेको छ। ४ बजेका लागि डाकिएको बैठक ५ बजेका लागि सारेर प्रधानमन्त्री केपी शर्मा ओलीले पार्टी उपाध्यक्ष वामदेव गौतमसँग छलफल गरिरहेका छन् ।
प्रधानमन्त्रीका प्रेस सल्लाहकार सूर्य थापाले सचिवालयको बैठक साढे ५ बजे प्रधानमन्त्री निवास बालुवाटारमा बस्ने जानकारी दिएका छन् । प्रधानमन्त्री ओलीले उपाध्यक्ष वामदेव गौतमलाई बालुवाटार बोलाएर छलफल गरेका हुन्।
ऐतिहासिक भनिएको नेकपा सचिवालयको बैठक ५ बजेलाई सारेर सचिवालय सदस्य इश्वर पोखरेल, बिष्णु पौडेल, रामबहादुर थापा ुबादल समेत बालुवाटार पुगेका छन्। प्रधानमन्त्री ओलीले राजिनामा दिनुनपर्ने गरि ५र४ को अनुपातमा सहमति जुटेको स्रोतको भनाई छ। ओलीको विपक्षमा प्रचण्ड सहित माधब कुमार नेपाल, नारायनकाजि श्रेष्ठ र झलनाथ खनाल देखिएका छन्।
यसअघिको सचिवालय बैठकमा प्रधानमन्त्री ओलीले कोरोनाको उन्मुलन भएपछि आफूले राजीनामा गरेर गौतमलाई प्रधानमन्त्री बनाउने प्रस्ताव राखेका थिए । ओलीले प्रधानमन्त्रीमा गौतम र पार्टीको तेस्रो अध्यक्षमा माधवकुमार नेपालको नाम प्रस्ताव गरेका थिए।प्रधानमन्त्री ओलीको उक्त प्रस्तावमा गौतमले पार्टी कमिटीबाट औपचारिक निर्णय हुनुपर्ने माग गरेका छन् भने नेता नेपालले प्रस्ताव अस्विकार गर्दै आएका छन्।
