जोर बिजोर उल्लङघन गर्नेलाई प्रहरीले कडाई गर्न थालेको छ । मंगलबार बिहान ११ः३० बजेसम्म मात्र जोर बिजोर उल्लङघन गर्ने १ हजार भन्दा बढी सवारी साधन कारवाहीमा परीसकोको महानगरीय ट्राफिक प्रहरी महाशाखाले जनाएको छ ।
महाशाखाका प्रमुख भिम ढकालका अनुसार मंगलबार बिहान ११ः३० बजेसम्म उपत्यकाका तीन जिल्लामा एक हजार ५८ वटा सवारी कारवाहीमा परेका छन् । जसमध्ये ८९७ वटा दूइपाङ्ग्रे साधन र एक सय ६१ वटा चारपाङ्ग्रे सवारी कारवाहीमा परेका छन् ।
यसरी कारवाहीमा परेकाहरुलाई दिनभरी होल्ड गर्ने गरेको प्रमुख ढकालले जनाएका छन् ।
सरकारले अधिले लकडाउन तथा निषेधाज्ञा अन्त्यको घोषण गरेपनि सावारीमा भने जोर बिजोर कायम राखेको छ । अघिल्लो दिनहरुको तुलनामा मंगलबार प्रहरीले जोर बिजोर उल्लङघन गर्नेलाई निकै कडाई गरेको छ । आगामी दिनमा झनै कडाई गर्ने प्रमुुख ढकाल बताउँछन् । उनी भन्छन् ‘हिजो अस्ति जोर बिजोर उल्लङघन गर्दै हिडेको धेरै पाईयो त्यस कारण आज निकै कडा गरेका छौं । अब थप कडा गर्दै जाने छौं ।’