विकास बजेटको एक प्रतिशत रकम आविष्कारका लागि छुट्याउने घोषणा, महावीरको माग सुनुवाई

आविष्कारका लागि विकास बजेटको एक प्रतिशत रकम छुट्याईने भएको छ। अर्थमन्त्री डा प्रकाशशरण महतले आगामी आर्थिक वर्षको बजेट प्रस्तुत गर्दै सङ्घीय सरकारको पूँजीगत बजेटको १ प्रतिशत रकम अनुसन्धान तथा विकास, नवप्रवर्तन तथा आविष्कार कोषमा जम्मा गरिने जनाएका हुन्। 

 सरकार र राष्ट्रिय आविष्कार केन्द्रका अध्यक्ष महावीर पुनबीच भएको ७ बुँदे सहमति अनुसार नेपाल सरकारले आगामी आर्थिक वर्षको बजेटमार्फत यो व्यवस्था गरेको हो।