प्रभु महालक्ष्मी लाइफ इन्स्योरेन्सको संस्थापक शेयरको लक् इन अवधि २०८० पुस ९ गते समाप्त हुने भएको छ । कम्पनीले सूचना जारी गर्दै संस्थापक र कर्मचारीको गरि कुल ३ करोड ३ लाख ५६ हजार १ सय ६ कित्ता शेयरको लक इन अवधिको पुस ९ गते समाप्त हुने जनाएको हो ।
कम्पनीका अनुसार संस्थापकतर्फको कुल ३ करोड ६३ लाख ७२ हजार कित्ता मध्ये ३ करोड १ लाख १ हजार ७० कित्ता संस्थापक शेयरको लक् इन अवधि समाप्त हुने छ । त्यस्तै कर्मचारीतर्फको कुल ३ लाख २८ हजार ९ सय ९८ कित्ता शेयर मध्ये २ लाख ५५ हजार ३६ कित्ता शेयरको लक इन अवधि समाप्त हुने छ ।
धितोपत्र बोर्डले लक इन अवधि सकिनु अगावै सो को जानकारी गराउनु पर्ने व्यवस्था गरेपछि कम्पनीले यसबारेको सूचना जारी गरेको हो ।