गार्डियन माईक्रो लाईफ ईन्स्योरेन्समा १ प्रतिशत भन्दा बढी लगानी गर्ने लगानीकर्ताको संख्या १४ रहेको छ । जसमध्ये ८ जना व्यक्तिगत र ६ वटा संस्थागत लगानीकर्ता रहेका छन् ।
कम्पनीले जारी गरेको आर्थिक वर्ष २०७९/८० को वार्षिक विवरण अनुसार कम्पनीमा दिपक भट्ट र एसजी फिनकोर्पको समान २१.४३ प्रतिशत रहेको छ । समान ११ लाख २५ हजार कित्ता रहेको उनीहरु कम्पनीका सबैभन्दा ठूला लगानीकर्ता हुन् ।
त्यस्तै कम्पनीमा नेपबुल क्यापिटलको ११.४७ प्रतिशत स्वामित्व अर्थात् ६ लाख २ हजार कित्ता शेयर लगानी रहेको छ । यस्तै हुलास अटो, राज बहादूर शाह र सुवम दुगडको समान ५.७१ प्रतिशत स्वामित्व अर्थात् ३ लाख कित्ता शेयर लगानी रहेको छ ।
मेट ईन्भेष्टमेन्टको २.३८, प्रिन्टसेल ईमेजिङको २.१०, सुलोचना अग्रवाल र लिला अग्रवालको समान १.९० प्रतिशत स्वामित्व रहेको छ भने लिओन मोटरको १.६२ प्रतिशत लगानी रहेको छ । त्यसैगरी, लतिका गोल्यान, आकाश गुप्ता र साक्षी गुप्ताको समान १.४३ प्रतिशत स्वामित्व रहेको छ ।
