आज असार ३१ गते अपर तामाकोशीले साधारणसभा गर्दै छ । कम्पनीको कोरम नपुरेर असार ११ मा स्थगित भएको साधारणसभा आज हुन् लागेको हो ।
साधारणसभाले आर्थिक वर्ष २०७४/०७५ को वार्षिक प्रतिवेदन पेश गर्ने, नाफा नोक्सान हिसाब छलफल गरी पारित गर्ने, लेखापरीक्षकको नियुक्ति तथा पारिश्रमिक निर्धारण गर्ने छ । सभामा संचालकको निर्वाचनको एजेन्डा पनि रहेकोमा अदालतको आदेशपछि निर्वाचन प्रक्रिया भने रोकिएको छ।
सञ्चालकमा आवेदन दिएकी गोसाईं केसीले कम्पनी ऐनअनुसार सञ्चालकमा महिला कोटा अनिवार्य हुनुपर्ने मागसहित आइतबार अदालतमा मुद्दा दायर गरेकी थिइन् । उनको मुद्दामा सुनुवाई गर्दै अदालतले कम्पनी ऐनअनुसार निर्वाचन गर्नु/गराउनु भन्ने निर्देशन दिएको छ । कम्पनी ऐनको दफा ८६ को उपदफा (२) मा महिला सेयरधनी रहेको पब्लिक कम्पनीको सञ्चालक समितिमा कम्तीमा एक जना महिला सञ्चालक हुनुपर्ने उल्लेख छ । यहि कारण सम्पूर्ण निर्वाचन रोकिएको हो ।
संचालकको निर्वाचनको कार्यक्रमको लागि भने कम्पनीले नयाँ सुचना जारि गर्ने छ । कम्पनीले ४ जना संचालक नियुक्त गर्नु पर्ने छ ।