माउन्टेन इनर्जी नेपाल लिमिटेडको दशौ साधारणसभा सम्पन्न भएको छ । आज कम्पनीका अध्यक्ष सुहदराज घिमिरेको अध्यक्षतामा आर्थिक वर्ष ७९/८० को साधारणसभा सम्पन्न भएको हो ।
साधारणसभाले लाभांश सहितका विविध प्रस्ताव पारित गरेको छ । सभाले हाल कायम चुक्ता पुंजीको १५ प्रतिशत बोनस शेयर र कर प्रयोजनको लागि ०.७८९५ प्रतिशत नगद लाभांश वितरण गर्ने प्रस्ताव पारित गरेको हो ।
त्यस्तै सभाले संचालक समितिको तर्फवाट प्रस्तुत आ.व. २०७९/०८० को वार्षिक प्रतिवेदन उपर छलफल गरी पारित गरेको छ। कम्पनीको लेखा परिक्षकको प्रतिवेदन, सहित २०८० आषाढ मसान्त सम्मको वासलात, २०७९/०८० को नाफा नोक्सान हिसाव तथा नगद प्रवाह विवरण र सोही अवधिको वार्षिक वित्तिय विवरणसंग सम्वद्ध अनुसूचिहरु पनि सभाले पारित गरेको छ।सभाले कम्पनी ऐन २०६३ को दफा १११ अनुसार यस कम्पनीको आ.व. २०८०/०८१ को लागि लेखा परिक्षण गर्न लेखा परिक्षक नियुक्ती गर्ने र निजको पारिश्रमिक तोक्ने प्रस्ताव पारित गरेको छ ।
विशेष प्रस्ताव अन्तर्गत सभाले कम्पनीको प्रवन्ध पत्रको दफा ६ (ख) संशोधन गर्ने र सम्बन्धित निकायवाट प्रवन्ध पत्र तथा नियमावलीमा सामान्य संशोधन गर्न माग भए अनुरुप आवश्यक संशोधन गर्न संचालक समितिलाई अख्तियारी प्रदान गर्ने प्रस्ताव पारित गरेको छ।