काठमाडौं उपत्यकाका विभिन्न स्थानमा पालिएका कुखुरामा बर्डफ्लू संक्रमण पुष्टि भएको छ ।
कृषि तथा पशुपन्छी विकास मन्त्रालयकाअनुसार ललितपुरको खुमलटार, काठमाडौंको रामकोट र तारकेश्वरमा पारिएको कुखुरामा बर्डफ्लू भेटिएको हो ।
शुक्रबार खुमलटारस्थित कृषिअनुसन्धान परिषद् नार्कको अनुसन्धान फार्ममा पहिलो संक्रमण पुष्टि भएको थियो । सानो परिमाणमा रहेको त्यहाँको पन्छी नष्ट गरिसकिएको छ ।