.gif)
नेपालको जनकपुर–जयनगर ब्रोडगेज रेल सेवा आजदेखि महोत्तरीको भंगहासम्म सञ्चालनमा आउने भएको छ । कुर्थादेखि महोत्तरीको भंगहासम्म थप १७ किलोमिटर दूरीमा रेल सेवा सञ्चालन हुन लागेको नेपाल रेल्वे कम्पनीका महाप्रबन्धक निरञ्जन झाले जानकारी दिए ।
थप १७ किलोमिटर रेल सेवाको उद्घाटन भौतिक पूर्वाधार तथा यातायातमन्त्री प्रकाश ज्वालाले गर्नेछन् । महोत्तरीको भंगहा स्टेशनमा थप १७ किलोमिटर रेल सेवाको उद्घाटन हुनेछ ।
यसअघि पहिलो चरणमा जनकपुरको कुर्थादेखि भारतको जयनगरसम्म ३५ किलोमिटरमा रेलसेवा सञ्चानल हुँदै आएको थियो । अब १७ किलोमिटर थपिएपछि महोत्तरीको भंगहादेखि जनकपुर हुँदै जयनगरसम्म ५२ किलोमिटर रेल चल्नेछ ।
२ सेट रेल २०७८ चैत १९ देखि सञ्चालनमा आएको थियो । सुरुमा एकपटक जनकपुरदेखि जयनगर जाने र आउने सेवा दिँदै आएकोक रेल गत वर्ष मंसिरदेखि २ वटै रेल दिनको दुईपटक आउने र जाने गरिरहेका छन् ।
सोमबारदेखि थप सेवा विस्तार गरी दैनिक दुवै रेल ३ पटक आउने र जाने गर्नेछन् ।
.gif)
