बीवाइडीका विद्युतीय गाडीहरुको नयाँ मूल्य सार्वजनिक भएको छ । बजेटले करका दरमा गरेको हेरफेर अनुसार नेपाली बजारमा बीवाइडीका विद्युतीय कारको नयाँ मूल्य सार्वजनिक भएको हो ।
६०.४८ किलोवाट आवर क्षमताको ब्याट्री जडित १ सय किलोवाट क्षमताको बीवाइडी अट्टो ३ को मूल्य ६५ लाख ८८ हजार रुपैयाँ पुगेको छ । यसअघि उक्त कारको मूल्य ६४ लाख ९ हजार थियो ।
४९.९२ किलोवाट आवरको ब्याट्री भएको १ सय वाट क्षमताकै अट्टो ३ को मूल्य ५५ लाख ९९ हजार तोकिएको छ ।
१५० किलोवाट क्षमताको बीवाइडी अट्टो ३ को मूल्य भने ८९ लाख ९ हजार रुपैयाँबाट घटेर ८१ लाख ९९ हजारमा झरेको छ । यो कारमा पनि ६०.४८ किलोवाट आवर क्षमताकै ब्याट्री छ ।
बीवाइडीका गाडीको नेपालका लागि आधिकारिक बिक्रेता साइमेक्स इंक प्रा.ली. छ ।
