नेपाल नागरिक उड्ययन प्राधिकरण (क्यान) लाई टुक्रयाउने गरी विधेयक आएको भन्दै कर्मचारीहरु आन्दोलित भएका छन् । प्राधिकरणलाई टुक्रयाएर २ वटा संरचना बनाउने गरी नेपाल नागरिक उड्डयन प्राधिकरण विधेयक २०७६ र हवाई सेवा प्राधिकरण विधेयक २०७६ राष्ट्रिय सभाबाट पारित भई प्रतिनिधि सभामा जाने क्रममा रहेपछि कर्मचारी आन्दोलित भएका हुन् ।
यान टुक्रयाउने विधेयक ल्याउन स्वार्थ समुहको चलखेल रहेका र यदि टुक्रिएको अवस्थामा हवाई सेवा महँगो हुने र उड्डयन सुरक्षामा नै असर पर्ने कर्मचारीहरुको दाबी छ ।
सोमबारदेखि बिहान १० बजेदेखि १ बजेसम्म कर्मचारीले पेन डाउन गर्दै आएका छन् । अहिले बुधबारसम्मका लागि आन्दोलनका कायक्रम तय भएका छन् ।
बिहिबारबाट महानिर्देशकको कार्यकक्षमा तालाबन्दी गर्ने कार्यक्रम पनि सार्वजनिक भएको छ ।
सरकारले आज प्रतिनिधि सभामा प्राधिकरण टुक्रयाउने गरी २ विधेयक दर्ता गरेको छ । सरकारले नेपाल नागरिक उड्डयन प्राधिकरण विधेयक र नेपाल हवाइ सेवा प्राधिकरण विधेयक प्रतिनिधि सभामा टेबल गरेको हो ।
