नेपाल वायुसेवा निगमको जहाजले आजबाट साउदी अरबमा उडान सुरु गर्दैछ ।
ठूलो संख्यामा नेपालीहरु रहेको साउदीमा राष्ट्रिय ध्वजाबाहक नेपाल एयरलाइन्सले आजदेखि नियमित उडान सुरु गर्न लागेको हो । साउदीको रियादका लागि काठमाडौंबाट नेपाल एयरलाइन्सको जहाज आज साँझ ७ः१५ बजे उड्ने छ ।
निगमले साउदीका रियाद, दमाम र जेद्दामा उडान अनुमति पाएपनि पहिलो चरणमा रियादमा मात्र उडान गर्न लागेको हो । रियादमा निगमको जहाजले साताको दुई उडान गर्ने भएको छ ।
शुक्रबार र आइतबार काठमाडौंबाट निगमको जहाज रियाद उड्ने छ । रियादबाट भने शनिबार र सोमबार काठमाडौँ फर्कनेछ ।
