काठमाडौंबाट दोहा उडेको नेपाल एयरलाईन्सको जहाजमा समस्या देखिएको छ । बिहीबार राति काठमाडौंबाट दोहा उडेको जहाज समस्या देखिएपछि काठमाडौं फिर्ता भएको छ ।
त्रिभुवन अन्तर्राष्ट्रिय विमानस्थलका अनुसार वाइडबडी ए-३३० को हाइड्रोलिकमा समस्या देखिएको हो । जहाज ७० नटिकल माइल उडेपछि काठमाडौं आएको जनाइएको छ । जहाज रातको करिब ३ बजे काठमाडौंमा अवतरण गरेको थियो ।
निगमको काठमाडौं रात्री बिसान गरेको अर्को जहाज नाइनएन–एएलजेडले सो जहाजका यात्रु लिएर उडेको थियो ।
