लुम्बिनी विकास बैंकले काठमाडौँको तारकेश्वर नगरपालिका, वडा नं. ११ स्थित नेपालटारमा शाखा सञ्चालनमा ल्याएको छ । बैंकका अध्यक्ष चिन्तामणि भट्टराई र तारकेश्वर नगरपालिका वडा नं. ११ का वडा अध्यक्ष कविराज बस्नेतले उक्त शाखाको उद्घाटन गरेका छन् ।
यो शाखा बैंकको ८९औँ शाखा हो ।
शाखा उद्घाटन कार्यक्रममा बैंकका सञ्चालकहरु प्रविण कृष्ण श्रेष्ठ, अर्जुन थापा र अंजु कुमारी गुप्ता पनि उपस्थित थिए ।
लुम्बिनी विकास बैंकले हाल देशका ७ वटै प्रदेशमा ८९ शाखा स्थापना गरी सेवा दिँदै आएको छ ।
बैंकले एउटा एक्सटेन्सन काउण्टरबाट पनि सेवा दिइरहेको छ ।