सन्राइज बैंक Sunrise Bank Limited ले स्याङ्गजाको पुतलीबजार नगरपालिका वडा नं. ११, हेलुमा शाखारहित बैंकिङ्ग सेवाको सुरुवात गरेको छ । सो शाखारहित बैंकिङ्ग सेवा संचालनमा आएसंगै बैंकको शाखारहित बैंकिङ्ग सेवा संख्या ७१ पुगेको छ ।
पुतलीबजार नगरपालिका वडा नं. ११ का वडा अध्यक्ष भवानी प्रसाद लामिछानेले उक्त शाखाको उद्घाटन गरे । भिरकोट नगरपालिका ७ का वडा अध्यक्ष शेषकान्त अर्याल, भिरकोट नगरपालिका उद्योग वाणिज्य संघका वरिष्ठ उपाध्यक्ष जगदिश प्रसाद कोईरालासमेतको उपस्थितीमा उक्त शाखारहित बैंकिङ सेवाको उद्घाटन गरिएको बैंकले जनाएको छ ।
बैंकले हाल १३९ वटा शाखा, ७१ वटा शाखारहित बैंकिङ्ग सेवा, १२ वटा एक्सटेन्सन काउण्टर र १६१ वटा ए.टि.एम मार्फत सेवा दिँदै आएको छ ।
