नेपाल नगरपालिका संघ, काठमाण्डौं र नेपाल इन्फ्रास्ट्रक्चर बैंक (निफ्रा) बीच सार्वजनिक निजी साझेदारी एवं निजी क्षेत्रको सहभागितामा पूर्वाधारका परियोजना निर्माण, लगानी एवं संचालन सम्बन्धी समझदारी पत्रमा हस्ताक्षर भएको छ । प्रधानमन्त्री केपी शर्मा ओलीको उपस्थितिमा नगरपालिका संघका कार्यकारी निर्देशक कलानिधि देवकोटा र नेपाल इन्फ्रास्ट्रक्चर बैंकका प्रमुख कार्यकारी अधिकृत रामकृष्ण खतिवडाले सम्झौतामा हस्ताक्षर गरेका हुन् ।
मुलुकको आर्थिक समृद्धिका लागि पूर्वधार परियोजनाहरुलाई आवश्यक सहयोग पुर्याउने उद्देश्य लिई, सार्वजनिक नीजि साझेदारीको अवधारणामा स्थापित नेपाल इन्फ्रास्ट्रक्चर बैंकले नगरपालिका संघ सँगको सहकार्यलाई अझ प्रगाढ बनाउदै आगामी दिनमा मुलुकका अन्य निकायहरुसँग समेत यसैगरी सहकार्य गर्दै अघि बढ्ने लक्ष्य लिएको जनाएको छ ।