नेपाल एभरेष्ट बैंक Everest Bank Limited को प्रमुख कार्यकारी अधिकृतमा सुदेश खालिङ नियुक्त भएका छन् । यससंगै उनी बैंकको प्रमुख कार्यकारी अधिकृतमा नियुक्ति हुने पहिलो नेपाली नागरिक छन् ।
बैंकमा स्थापनाकालदेखि नै भारतीय नागरिक सीइओ हुदै आएका थिए। बैंकमा भारतको पन्जाब नेशनल बैंकको २० प्रतिशत लगानी छ । सोहि कारण पन्जाब नेशनल बैंकले नै एभरेस्ट बैंकमा अध्यक्ष पठाउदै आएको थियो ।
हाल बैंकमा गजेन्द्रकुमार नेगी सीइओ छन्। ४ वर्षको लागि सीइओ भएका उनलाई १७ महिनामै हटाईएको हो ।
सीइओमा नियुक्त भएका खालिङ यस अघि सिटिजन्स बैंकमा संचालक थिए । उनले संचालक पदबाट राजिनामा दिईसकेका छन् । त्यसअघि उनी लक्ष्मी बैंकको सीइओ थिए ।