हजार रुपैयाँको ४३ करोड वटा नोट छाप्न राष्ट्र बैंकले खोल्यो टेण्डर

नेपाल राष्ट्र बैंकले हजार रुपैयाँको नोट छाप्नको लागि टेण्डर आह्वान गरेको छ । बैंकले १ हजार रुपैयाँ दरको ४३० मिलियन अर्थात् ४३ करोड वटा नोट छाप्न टेण्डर आह्वान गरेको हो  ।

राष्ट्र बैंकको मुद्रा ब्यबस्थापन विभागले नोट छाप्न योग्य भेन्डरहरुका लागि अन्तराष्ट्रिय टेण्डर आह्वान गरेको हो  । राष्ट्र बैंकले सूचना प्रकाशन भएको मितिले ४६ औ दिनको दिउँसो १२ बजे भित्र प्रस्ताव पेश गर्न आह्वान गरेको छ  । राष्ट्र बैंकले प्रस्तवा पेश गर्दा ४ करोड १५ लाख धरौटी राख्नु पर्ने जनाएको छ  ।

यस टेण्डरमा १० वटा कम्पनीले मात्र सहभागिता जनाउन सक्ने छन्  । राष्ट्र बैंकले नोट छाप्नको लागि निवेदन पेश गरेका मध्ये १० वटा कम्पनी मात्र योग्य रहेको भन्दै ति कम्पनीको सुची गत वर्ष नै सार्वजनिक गरेको थियो  । अब नोट छाप्नको लागि ति १० कम्पनीले मात्र टेण्डर प्रक्रियामा सहभागी हुन पाउने छन्  । सबै भन्दा कम मूल्य कबुल गर्नेलाई राष्ट्र बैंकले नोट छाप्ने ठेक्का दिने छ  ।

यी हुन् नोट छाप्न योग्य रहेका कम्पनी : 

1. Casa da Moeda do Brasil, Brazil

2. China Banknote Printing and Minting Corporation, China

3. Crane A.B., Sweden

4. De La Rue International Limited, United Kingdom

5. Giesecke+Devrient Currency Technology GmbH, Germany

6. Joint Stock Company "Goznak", Russia

7. Korea Minting, Security Printing & ID Card Operating Corp., Korea

8. Oberthur Fiduciaire SAS, France

9. Orell Füssli Security Printing, Switzerland

10. Security Printing and Minting Corporation of India Limited, India