राष्ट्र बैंकले सूचना प्रविधि पार्क तथा औद्योगिक पार्क निर्माण गर्न सस्तो ब्याजदरमै कर्जा उपलब्ध गराउनुपर्ने व्यवस्था गरेको छ ।
आज एकिकृत निर्देशन जारी गर्दै राष्ट्र बैंकले सूचना प्रविधि पार्क तथा औद्योगिक पार्क निर्माण गर्न बैंकहरुले आधार दर (बेस रेट) मा अधिकतम २ प्रतिशतसम्म मात्रै प्रीमियम थप गरी ब्याज लिन पाउने व्यवस्था गरेको हो ।
‘निजी क्षेत्रलाई सूचना प्रविधि पार्क तथा औद्योगिक पार्क निर्माण गर्न कर्जा प्रवाह गर्दा आधार दरमा अधिकतम २ प्रतिशत बिन्दुसम्म प्रिमियम थप गरी ब्याजदर निर्धारण गर्नु पर्नेछ’ राष्ट्र बैंकले एकिकृत निर्देशनमा भनेको छ ।
