नेपाल राष्ट्र बैंकका कार्यकारी निर्देशक डा. गुणाकर भट्टले चालु आर्थिक वर्षको मौद्रिक नीतिको तेस्रो समीक्षा मार्फत धेरै सजिलो व्यवस्थाहरु गरिएको बताएका छन् । समीक्षा सार्वजनिक गरिएपछि आयोजित पत्रकार सम्मेलनमा राष्ट्र बैंकक प्रवक्ता समेत रहेका डा. भट्टले सजगतापूर्वक सजिलो व्यवस्थाहरु ल्याईएको बताएका हुन् ।
समीक्षामार्फत गरिएका व्यवस्थाले अप्ठेरो परेको अहिलेको अवस्थालाई धेरै सहज हुने उनले बताए । राष्ट्र बैंकले परिस्थिति हेरेर नै आवश्यकता अनुसार समीक्षा ल्याएको उनले उल्लेख गरे।
तरलता, संचिति लगायतका कुरा हरु सहज देखिए पनि देशको समग्र अवस्था पुर्दै सुधार भईनसकेकोले अझै सजगता अपनाउनु पर्ने उनले प्रष्ट पारे । तेस्रो समीक्षा मार्फत गरेको व्यवस्थाहरुले आर्थिक सिथिलता र कर्जा तिर्न नसक्दाको परिणामलाई समाधान गर्ने उनको भनाई छ ।
राष्ट्र बैंकले मौद्रिक नीतिको समीक्षा मार्फत पुनार्कर्जा, पुनर्संरचना, पुनर्तालिकीकरण लगायतका व्यवस्था गरेको छ । राष्ट्र बैंकका अनुसार राष्ट्रिय तथ्याङ्क कार्यालयले प्रकाशन गर्ने तथ्याङ्कको आधारमा पछिल्ला दुई त्रयमाससम्म लगातार ऋणात्मक वृद्धि हुन गएका आर्थिक क्षेत्रहरुसँग सम्वद्ध ऋणीहरुले सुविधा पाउने गरी कोषमा उपलव्ध स्रोतको सीमाभित्र रही पुनरकर्जा सुविधा उपलव्ध गराउने व्यवस्था मिलाइने छ ।