एशियन बैंकर्स संघका अध्यक्ष इउजिनी एसभेदोले चुनौतीको सामना गर्न एशियाका बैंकहरु मिलेर अगाडी बढ्नु पर्ने बताएका छन् । एशियन बैंकर्स संघको कन्फरेन्सको उद्घाटन समारोहमा बोल्दै उनले यस्तो बताएका हुन्।
उनले बलियो बैंकिंग प्रणाली नै कोभिडबाट उठ्ने आधार भएको बताए । बैंकिंग क्षेत्रको साइबर सुरक्षा पनि अत्यन्त महत्वपूर्ण रहेकोले एसहियाँ बैंकर्स संघले यसमा काम गर्ने उनले बताए ।
भविष्यमा पनि अहिलेको जस्तै गरि बैंकिंग क्षेत्रमा समस्या आउँन सक्ने भएकोले एशियाका बैंकले एक अर्कालाई साथ सहयोग गर्नु पर्ने उनले बताए । एशियन बैंकर्स संघको यस कन्फेरेन्सले अहिलेका बैंकिंग चुनौतीलाई सामना गर्न कुनै ठोस निर्णय लिन सक्ने विश्वास गरेको बताए । उनले बढ्दो चुनौतीलाई मिलेर कम गर्नु पर्नेमा जोड दिए ।
