सहयोगी विकास बैंक Sahayogi Vikas Bank Limited को बार्षिक साधारण सभाबाट सिटिजन्स बैंक इन्टरनेशनलसंग विलयहुने प्रस्ताव पारित भएको छ । साधारणसभाले १०० कित्ता शेयर बराबर सिटिजन्सको ९१.७५ कित्ता हुनेगरी विलय प्रस्ताव पारित गरेको हो ।
त्यस्तै उक्त सभाले सहयोगीलाई सिटिजन्सले प्राप्ति गर्ने सम्बन्धमा भएका सहमतीपत्र, संयुक्त मर्जर समितिको निर्णयहरु, अन्तिम सम्झौताहरु, डीडीएको नियुक्ती तथा पारिश्रमिक सम्बन्धी विशेष प्रस्ताव समेत पारित गरेको छ । यस्तै सहयोगीको तर्फबाट सिटिजन्समा विलय गर्ने सम्बन्धमा नियमनकारी निकायहरुमा गर्नु पर्ने बिबिध कार्यहरु गर्न गराउन, बैंकको प्रबन्धपत्र तथा नियमावलीमा आवश्यकता अनुसार फेरबदल गर्न र बैंकको हालको संचालक समितिलाई सम्पुर्ण अख्तियारी दिने प्रस्तुत प्रस्ताव समेत उक्त सभाले सर्वसम्मतीले पारित गरेको छ ।
सहयोगीको साधारणले १८.७२१५ प्रतिशत नगद लांभाश दिने प्रस्ताव पनि पारित गरेको छ । सहयोगीलाई प्राप्ति गर्न सिटिजन्सले यहि २०७७ साल जेष्ठ २७ गते विशेष साधारण सभा आह्वान गरेको छ ।