महालक्ष्मी विकास बैंक Mahalaxmi Bikas Bank Limited को स्वतन्त्र संचालकमा अम्बिका श्रेष्ठ नियुक्त भएकी छिन् । शुक्रबार बसेको बैंकको सञ्चालक समितिको बैठकले श्रेष्ठलाई स्वतन्त्र सञ्चालकमा नियुक्त गर्ने निर्णय गरेको हो ।
बैंक तथा वित्तीय संस्थामा २५ बर्ष भन्दा बढिको बैकिङ्ग अनुभव रहेको श्रेष्ठ स्टाण्डर्ड चाटर्ड बैंकबाट बैकिङ्ग क्षेत्रमा प्रवेश गरेकी थिइन् । उनी तत्कालीन सुप्रिम डेभलपमेण्ट बैंकको प्रमुख कार्यकारी अधिकृत पनि भएकी थिइन् ।
व्यवसाय प्रशासनमा स्नातकोत्तर सम्मको अध्ययन पूरा गरेकी श्रेष्ठ Nepal Finance Institution Association र Development Banker's Association मा आवद्द थिईन् । उनले विभिन्न राष्ट्रिय तथा अन्तराष्ट्रिय संस्थाहरुमा वित्तीय परामर्शदाताको रुपमा पनि काम गरेकी छिन्।
