.gif)
बजेटमार्फत कर बढाईएका केही वस्तुहरुको कर घटेको छ । अर्थ मन्त्रालयले मंगलबारको मन्त्रिपरिषद बैठकका निर्णय अनुसार आज साँझ राजपत्रमा सूचना जारी गर्दै बजेटमार्फत कर बढाईएका ५ बस्तुको करको दर हेरफेर गरेको हो ।
अर्थमन्त्री जनार्दन शर्माले राजस्व सचिव रामेश्वर दंगालको संयोजकत्वमा कर घटाउन सकिने बस्तुका विषयमा अध्ययन गर्न समिति बनाएका थिए । सोही समितिको सिफारिसका आधारमा मंगलबारको बैठकले निर्णय गरेको हे ।
नयाँ भन्सार महशुलको दररेट अनुसार यसअघि १० प्रतिशत भन्सार महशुल तोकिएको भन्सार उपशीर्षक ७२१३.९१.१० (डन्डी) को भन्सार महशुल ५ प्रतिशतमा झारिएको् छ ।
नयाँ दररेट अनुसार भटमासको तेल उत्पादन गर्ने उद्योगहरुले भटमासका दाना आयात गर्दा यसअघि ५० प्रतिशत भन्सार महशुल छुट दिईएकोमा अब ९० प्रतिशत छुट हुने भएको छ ।
तोरी, रायो, क्यानोला (सर्स्यूँ) गेडा आयात गर्दा पनि यसअघि ५० प्रतिशत छुट रहेको भन्सार महशुल अब ९० प्रतिशत छुट हुनेछ । सूर्यमुखीको गेडा पैठारी गर्दा पनि अब ९० प्रतिशत नै भन्सार महशुल छुट हुने भएको छ । यसअघि बजेटमार्फत ५० प्रतिशत मात्रै छुट दिईएको थियो ।
त्यस्तै, कच्चा पामतेल र कच्चा सूर्यमुखी तेलको आयातमा पनि भन्सार महशुल ९० प्रतिशत नै छुट हुने भएको छ । त्यस्तै, सेनेटरी प्याड उद्योगले पर्फोरेटेड पी.ईं कच्चा पदार्थ पैठारी गर्दा अन्तःशुल्क नलाग्ने भएको छ ।
यस अघि व्यवासययीलाई फाइदा हुने गरि करको दर तोकेको भन्दै अर्थ मन्त्री शर्माको ब्यापक आलोचना भएको थियो । आलोचनापछि आफैले प्रस्ताव लगेर करको दर घटाएका हुन् ।
हेर्नुस् सूची:
.gif)
