भारतबाट पेट्रोलियम पदार्थको मूल्य पुनः घटेर आएको छ । आईओसीले नेपाल आयाल निगमलाई मूल्य घटेको सूची पठाएको हो ।
डिसेम्बर १ मा पठाएको नयाँ मूल्य सूचीअनुसार पेट्रोल, डिजेल र हवाई इन्धनको मूल्य घटेको छ ।
नेपाल आयाल निगमका प्रवक्ता विनितमणी उपाध्ययाले पेट्रोलमा प्रतिलिटर २ रुपैयाँ ३८ पैसा, डिजेलमा प्रतिलिटर ११ रुपैयाँ २६ पैसा, हवाई इन्धनमा प्रतिलिटर ६ रुपैयाँ र मटिट्तेलमा प्रतिलिटर ८० पैसा मूल्य घटेर आएको बताए ।
खाना पकाउने एलपी ग्यासको मूल्य भने प्रतिसिलिन्डर ४४ रुपैयाँ बढेर आएको छ ।
भारतबाट मूल्य घटेर आएपछि इन्धन आयत गर्दा तिर्नुपर्ने पूरानो पैसा र सरकारसँग लिएको ऋण बाँकी रहेकाले तत्काल पेट्रोलिय पदार्थको मूल्य घट्न सक्ने अवस्था नरहेको उपाध्ययाको भनाई छ ।
अब निगमलाई पेट्रोलमा प्रतिलिटर १३ रुपैयाँ र डिजेलमा प्रतिलिटर ५३ पैसा नाफा हुने भएको छ । ग्यासमा प्रतिसिलिन्डर २७७ रुपैयाँ घाटा कायम छ ।