सरकारले बैशाख ३० गते सार्वजनिक बिदा दिने निर्णय गरेको छ। बैशाख २५ गते बसेको मन्त्रिपरिषदको बैठकले स्थानीय निर्वाचन हुने दिन बैशाख ३० गते देशभर सार्वजनिक विदा दिने निर्णय गरेको हो ।
सार्वजनिक विदाबारे गृह मन्त्रालयले आज सूचना जारी गरेको छ । सूचनामा भनिएको छ ''स्थानीय तह निर्वाचन, २०७९ को मतदान हुने मिति २०७९ बैशाख ३० गते शुक्रबारका दिन नेपाल राज्यभरका सबै सरकारी कार्यालयहरू र सार्वजनिक निकायहरूमा सार्वजनिक बिदा दिने' नेपाल सरकार, मन्त्रिपरिषद्बाट मिति २०७९/०१/२५ मा निर्णय भएको हुँदा सम्बन्धित सबैको जानकारीको लागि यो सूचना प्रकाशित गरिएको छ ।''