नेकपा एमालेका उपाध्यक्ष सुरेन्द्र
पाण्डेले चितवन क्षेत्र नम्बर १ मा आफूसँग प्रतिस्पर्धा गर्नेहरू सबैलाई स्वागत
रहेको टिप्पणी गरेका छन् ।
बिजपाटीसँग संक्षिप्त भिडियो
कुराकानीमा उनले आफ्नो क्षेत्रमा जित सुनिश्चित रहेको पनि बताए ।
'लोकतन्त्रका लागि हामीले लडेर
ल्याएको व्यवस्था हो,' उनले भने, 'लोकतन्त्रमा लड्छु भनेर आउने मान्छेलाई त वेलकम
छ नि ।'
बिजपाटीले ग्राउण्ड जिरो रिपोर्टिङका
लागि चितवनको भण्डारास्थित उनकै घरमा पुगेर उनीसँग कुरा गरेको थियो । कुराकानीमा पूर्व
अर्थमन्त्रीसमेत रहेका पाण्डेले आफ्ना प्रतिस्पर्धी राष्ट्रिय योजना आयोगका पूर्व
उपाध्यक्ष पौडेललाई संकेत गर्दै कानूनअनुसार आयोग एकप्रकारले मानार्थ मात्र रहेको
टिप्पणी गरे ।
'हाम्रो सरकारले योजना आयोगलाई
मानार्थ मात्र बनाएको छ,' योजना आयोग भन्दा अर्थमन्त्रालय नै बलियो हुने टिप्पणी गर्दै
उनले भने, 'सबै विषय अर्थले निर्णय गर्ने हो । योजना आयोग कार्यकारी संस्था होइन ।'
उनले आफू अर्थमन्त्री हुँदा चितवनको
विकासमा कुनै कसर बाँकी नरहेको दाबीसमेत गरे ।
चितवन क्षेत्र नम्बर १ मा नेपाली
कांग्रेसका तर्फबाट अर्थविद विश्व पौडेलले पाण्डेलाई चुनौती दिँदैछन् ।
हेर्नुहोस् भिडियो -
पढ्नुहोस् यो पनि -
चितवन-१ ग्राउण्ड जिरो : एमालेको विरासत जोगाउन सजिलो छैन पूर्वअर्थमन्त्री पाण्डेलाई
