श्रम, रोजगार तथा सामाजिक सुरक्षा मन्त्रालयका सह–सचिव डण्डुराज घिमिरे वैदेशिक रोजगार विभागको महानिर्देशकमा नियुक्त भएका छन् ।
मन्त्रालयले घिमिरेलाई महानिर्देशकको रूपमा पठाएको हो । उनले आजबाट नै विभागको महानिर्देशकको रुपमा हाजिर गरेका छन् । घिमिरे मन्त्रालयको प्रवक्ता समेत थिए ।
यसअघिका महानिर्देशक मदन दाहालको श्रम तथा व्यवसायजन्य सुरक्षा विभागको सरुवा गरिएको थियो । उनको सरुवा गरेको तीन सातापछि मन्त्रालयले नयाँ महानिर्देशक पठाएको हो ।