सिप बिल्डिङमा आवेदन दिएका ४ हजार बढीले उत्पादन क्षेत्रका लागि कोरियन भाषा परीक्षाको आवेदन दिएका छन् । ईपीएस कोरिया शाखका अनुसार सोमबार ४ बजेसम्म ४ हजार बढीले आवेदन दिएका हुन् ।
शाखाले सिप बिल्डिङमा आवेदन दिएकाहरुको लागि सोमबारबाट आवेदन खुलाएको हो । आवेदन खुलाएको पहिलो दिन उक्त संख्यामा युवाहरुले फर्म भरेका हुन् । सिप बिल्डिङको परीक्षा दिएर अनुत्तिर्ण सबैले आवेदन दिन पाउनेगरी शाखाले शुक्रबार सूचना जारी गरेको थियो ।
उक्त क्षेत्रमा परिक्षा दिएर अनुत्तिर्ण भएका ३२ हजार युवाले उत्पादन क्षेत्रमा आवेदन दिन पाउने छन् । जसअन्तर्गत पौष १८ गतेसम्म आवेदन दिन सकिने शाखाले जनाएको छ ।
