अपर हेवाखोला साना जलविद्युत आयोजनामा बाढीले क्षति पुर्याएको छ । बाढी आई ईन्टेक लगायतका संरचनाहरुमा क्षति पुगेपछि गएरातिदेखि विद्युत उत्पादन बन्द भएको हो ।
अपर हेवाखोला हाइड्रोपावर कम्पनी लिमिटेडका अनुसार २०८० साल आषाड २ गते राति ९.१५ बजेको समयमा बाढी आई ईन्टेक लगायतका संरचनाहरुमा क्षति पु¥याएकोले सोहि समयदेखि आयोजनाबाट हुँदै आएको विद्युत उत्पादन बन्द भएको छ । बाढीबाट भएको क्षतिको बिस्तृत विवरण प्राप्त हुनासाथ जानकारी गराइने कम्पनीले जनाएको छ ।
बाढी आउनु अघि कम्पनीले अपर हेवाखोला साना जलविद्युत आयोजना (८.५ मे.वा) पूर्ण क्षमतामा सञ्चालन गरिरहेको थियो ।
