नेपाल विद्युत प्राधिकरणले सर्वसाधारणलाई आईपीओ जारी गर्ने प्रक्रिया अगाडी बढेको जनाएको छ । आज प्राधिकरणमा आयोजित पत्रकार सम्मेलनमा प्राधिकरणका कार्यकारी निर्देशक कुलमान घिसिङले प्राधिकरणकको आईपीओ जारी गर्ने प्रक्रिया अघि बढी सकेको बताएका हुन् ।
उनले यसको लागि इक्रा नेपाल बाट रेटिंग समेत गराईसकिएको र AA प्लस को रेटिंग पाएको बताएका छन् । विद्युत प्राधिकरण ऐन २०४१ अनुसार अनि शेयर जारी गर्न लागिएको उनले जानकारी दिए । उनले प्राधिकरणको सम्पति मुल्यांकन कार्य पनि सकिएको बताए ।
उनले आर्थिक वर्ष २०७/८० मा प्राधिकरणले १२ अर्ब ३३ करोड खुद नफा कमाएको बताएका छन् । जुन अघिल्लो वर्षको भन्दा कम हो । अघिल्लो वर्ष प्राधिकरणले १३ अर्ब ३७ करोड खुद नाफा गरेको थियो ।
पानी र हिउँ नपरेको कारण विजुली कम उत्पादन भएको र आयात बढ्दा नाफा प्रभावित भएको उनले बताए । उनले प्राधिकरणको खुद आम्दानी आर्थिक वर्ष ७८/७९ मा ८१ अर्ब रहेकोमा आर्थिक वर्ष ७९/८० खुद आम्दानी बढेर ११८ अर्ब पुगेको बताए । उनले प्राधिकरणको संचित मुनाफा ३६ अर्ब ३७ करोड पुगेको बताए ।