प्रोटोन गाडीले चाडपर्वको अफर योजना अन्तर्गत ‘दशैं दक्षिणा’ योजना सार्वजनिक गरेको छ । भदौ १७ गतेबाट सुरु भएको यो योजना चाडपर्व नसकिउन्जेलसम्म लागू हुने बताईएको छ ।
योजनाअन्तर्गत ग्राहकले प्रोटोनको सागा र एक्स ७० गाडी खरिद गर्दा ६ लाखसम्म दक्षिणा प्राप्त गर्न सक्ने छन् । कुनै पनि ब्रान्डको पुरानो गाडीसँग नयाँ प्रोटोन एक्सचेन्ज गरेमा ग्राहकले ५० हजार देखि २ लाखसम्म एक्सचेन्ज बोनस पाउन सक्ने कम्पनीले जनाएको छ ।
एकैपटक पुरै पैसा तिरेर नयाँ गाडी किन्दा ५० हजारदेखि २ लाख ५० हजारसम्म नगद छुट पनि पाउन सकिने छ ।
योजना अन्तर्गत नै जगदम्बा सेभिङ्ग एण्ड क्रेडिट को–ओपरेटिभबाट कर्जा सुविधा पाईने छ । निःशुल्क बीमा, एक वर्षको वार्षिक कर, विभिन्न एशोसरीजहरु अफरमा प्राप्त गर्न सकिने छ ।
यो योजना प्रोटोनका काठमाडौं, पोखरा र बुटवलमा रहेका शोरुममा लागु हुनेछ।
चाडपर्व अफर छुट नहुँदा प्रोटोन सागाको सुरुवाती मूल्य ३७ लाख ९९ र एक्स७० को मूल्य ८६ लाख ९९ हजार छ ।