आय विवरण र कर कहिले बुझाउने ?

बिजपाटी संवाददाता

बिजपाटी संवाददाता

Sep 12, 2019 | 11:33:40 AM मा प्रकाशित

आयकर ऐन, २०५८ मा कारोबारको प्रकृति र आयको आधारमा कर बुझाउने सम्बन्धमा करदाता अनुसार फरक फरक व्यवस्था छ । सामान्यतया आय विवरण आर्थिक वर्ष समाप्त भएको ३ महिनासम्ममा बुझाउनुपर्ने हुन्छ । तर, यो सबै अवस्थामा लागु हुँदैन ।

कानुन बमोजिम VAT मा कारोबार गर्ने करदाताले प्रत्येक महिना भुक्तान भएको २५ दिनभित्र विवरण र कर दाखिला गर्नुपर्दछ । त्यसैगरी TDS भुक्तानी गर्नुपर्ने कारोबारमा ऐनले तोके बमोजिम करकट्टी गरी TDS  रकम एवं सोको विवरण अर्को महिनाको २५ गतेभित्र दाखिला गर्नुपर्छ ।

नेपालमा श्रोत रहेको व्यवसायबाट मात्र वार्षिक रु. २० लाखसम्मको कारोबार गर्ने र २ लाखसम्म आय हुने प्राकृतिक व्यक्तिले आयकर डे.०१ फाराम भरी कर कार्यालयमा पेश गर्नुपर्छ । यस्तो आय विवरणलाई पूर्वानूमानित कर विवरण भन्ने गरिन्छ ।

पूर्वानुमानित कर तिर्ने व्यक्तिले आय विवरणसँगै थप विवरण वा कागजात पेश गर्नुपर्दैन । कारोबार र खर्च पुष्टि गर्ने प्रमाण भने आफूसँग सुरक्षित राख्नुपर्ने हुन्छ ।

एक आय वर्षमा रु. २० लाखभन्दा वढीको कारोबार र आय रु २ लाख भन्दा बढी हुने व्यक्तिले डे.०३ आय विवरण फाराम भरी सम्बन्धित कर कार्यालयमा पेश गर्नुपर्छ ।

पूर्वानुमानित करको दर

पूर्वानुमानित कर तिर्नुपर्ने करदाताले महानगरपालिका र उप महानगरपालिका क्षेत्रभित्रको कारोबारमा वार्षिक रु. ५ हजार, नगरपालिका क्षेत्रभित्र रु.२ हजार ५ सय र अन्य क्षेत्रमा कारोबार गर्नेले वार्षिक रु.१५०० कर तिर्नुपर्ने व्यवस्था छ ।

अग्रिम आयकर बुझाउनुपर्ने कारोबार

आयकर ऐन २०५८ को दफा ९४ अनुसार चालु वर्षको कारोबारको आधारमा रु २० लाखभन्दा बढीको कारोबारमा गर्दा किस्ताबन्दीमा अग्रिम कर दाखिला गर्नुपर्दछ । यस्तो किस्ता पौष मसान्तभित्र अनुमानित कर रकमको ४० प्रतिशत, चैत्र मसान्तभित्र अनुमानित करको ७० प्रतिशत र असार मसान्तसम्म बाँकी कर बुझाउनुपर्दछ ।

म्याद थप हुन सक्छ

तोकिएको म्यादभित्र आय विवरण पेश गर्न नसक्ने करदाताले उपयुक्त कारण उल्लेख गरी कर कार्यालयमा निवेदन दिनुपर्दछ । कार्यालयले आवश्यकताका आधारमा एकैपटक वा पटक पटक गरी पौष मसान्तसम्म बढीमा ३ महिना म्याद थप गर्न सक्छ । तर, निवेदन प्राप्त हुनासाथ म्याद थप गर्नैपर्ने बाध्यता छैन । त्यसैले समयमै आय विवरण बुझाई कर तिर्नु बुद्धिमत्तापूर्ण हुन्छ।

व्यक्तिगत स्थायी लेखा नम्बर अनलाइन रजिष्ट्रेशन कसरी गर्ने ?

-व्यवसाय गर्न चाहनुहु्न्छ ? भ्याटमा अनिवार्य दर्ता गर्नुपर्ने कारोबारबारे थाहा पाइराख्नुस

-सावधान! तपाईंको नाममा प्यान दर्ता भएको त छैन ? (राजस्व विभागको सूचनासहित)

-व्यक्तिगत प्यान नम्बर लिएपछि के हुन्छ ?

-थाहा पाउनुहोस्, आम्दानी र भत्ताबाट काटिने टीडीएसको दर (सुची सहित)

-कर तिर्न साढे २ सय किलोमिटरसम्म यात्रा

-एक ठाउँबाट अर्को ठाउँमा राजस्व कसरी तिर्ने ?

-आम्दानी र भत्ताबाट काटिने टीडीएस र ईटीडीएस भनेको के हो ?

Share Your Thoughts

Recent News

Main News

Close in 7


Bizpati.com © 2020. All Rights Reserved