आज शुक्रबार सुनचाँदीको मूल्य घटेको छ । बिहीबार तोलाको ९८ हजार रुपैयाँमा कारोबार भएको छापावाला सुनको भाउ आज तोलामा ३ सय रुपैयाँले घटेर प्रतितोला ९७ हजार ७ सय रुपैयाँमा कारोबार भईरहेको छ ।
आज तेजाबी सुनको भाउ पनि प्रतितोला ३ सय रुपैयाँले नै घटेर ९७ हजार २ सय रुपैयाँ पुगेको छ । आज चाँदीको भाउ पनि टोलमा १५ रुपैयाँले घटेर प्रतितोला १ हजार २ सय ६५ रुपैयाँमा किनबेच भईरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ८४ हजार ७ सय ६० रुपैयाँ, प्रति १० ग्राम तेजाबी सुनको मूल्य ८३ हजार ३ सय ३० रुपैयाँ र प्रति १० ग्राम चाँदीको मूल्य १ हजार ८४ रुपैयाँ ५० पैसा कायम गरेको छ ।