फुटवेयर म्यानुफ्याम्चरर्स एशोसियसनले भृकुटीमण्डपमा जुत्ता चप्पल मेला आयोजना गरेको छ । एशोसियसनले ‘फुटवेयर बिजनेश एक्सपो–२०२१’ सुरु गरेको हो ।
मंसिर १३ गतेसम्म आयोजना हुने मेलाको नेपाल उद्योग वाणिज्य महासंघका वरिष्ठ उपाध्यक्ष चन्द्र ढकालले उद्घाटन गरेका हुन् । उद्घाटन कार्यक्रममा महासंघका जिल्ला नगर उपाध्यक्ष दिनेश श्रेष्ठ पनि उपस्थित थिए ।
मेलामा ३० कम्पनीका १ सय बढी स्टल छन् । मेलामा नयाँ तथा पूराना ब्राण्डका जुत्ता चप्पलमा १५ देखि ५० प्रतिशतसम्म छुटको व्यवस्था छ ।
दैनिक ७ हजार ५ सय जोर जुत्ता बिक्रि हुने र मेला अवधि भरमा २ करोड बढीको कारोबार गर्ने लक्ष्य एशोसियसनको छ । एशोसियसनले मेलाकै लागि भनेर ५० लाख बढी लगानी गरेको छ । भृकुटीमण्डपमा मेला आयोजना गर्न एशोसियसनले समाजकल्याण परिषदलाई दैनिक ६० हजार रुपैयाँ तिर्नेछ ।
मेलामा ३ हजार ब्राण्डका जुत्ता चप्पल एउटै छानामुनि उपभोक्ताले रोजिरोजी पाउने एशोसियसनका अध्यक्ष कृष्णकुमार फुयाँलले जानकारी दिए । १० लाख बढीले मेलाको अवलोकन गर्ने उनको भनाई छ ।
जुत्ता चप्पल उद्योगमा १८ अर्ब माथिको लगानी छ ।