जनउत्थान सामुदायिक लघुवित्त Janautthan Samudayic Laghubitta Bikas Bank ले व्यवसायिक बाख्रा पालन सम्बन्धि तालिम सम्पन्न गरेको छ । संस्थाले यूके.एड., सक्षम वित्तीय पहुँच सँगको सहकार्यमा यस्तो तालिम सम्पन्न गरेको हो ।
समुह सदस्यहरुको क्षमता अभिवृद्धि गरी स्वरोजगार सृर्जना गर्ने उद्देश्यका साथ चितवनको शक्तिखोर शाखा कार्यालय र पर्साको ठोरी शाखा कार्यालयमा सदस्यलाई तालिम दिएको हो ।
समूहमा आवद्ध ५३ जना सदस्यहरुलाई २ दिने व्यावसायिक बाख्रा पालन सम्बन्धि तालिम सम्पन्न गरेको संस्थाले जनाएको छ । दुई छुट्टा छुट्टै स्थानमा सञ्चालित कार्यक्रममा इच्छाकालिका गाँउपालिका वडा नं. १, चितवनमा कालिका नगरपालिकाका पशु सेवा शाखाका अधिकृत इश्वरी प्रसाद पौडेलले र ठोरी गाउँपालिका २, टाउन प्लान, पर्सामा कृष्ण बहादुर कार्कीले तालिमलाई सहजीकरण गरेका थिए ।
तालिममा व्यावसायिक बाख्रा पालनको परिचय, महत्व, बजार, रोग नियन्त्रण तथा प्रजनन् व्यवस्थापन, हेरचाह, खोर व्यवस्थापन लगायतका विषयहरुमा प्रशिक्षण गरिएको थियो ।
संस्थाको हाल १९ जिल्ला कार्य क्षेत्र रहेको र ३९ वटा शाखा कार्यालय मार्फत करिव सेवा दिदै आइरहेको छ ।