मिर्मिरे लघुवित्त Mirmire Laghubitta Bittiya Sanstha ले बित्तीय साक्षरता जनचेतना कार्यक्रम सम्पन्न गरेको छ । कम्पनीको शाखा कार्यालय डंग्राहा, मोरङ्गले करिब १०० जना महिला सदस्य तथा विद्यार्थीको सहभागितामा बित्तीय साक्षरता जनचेतना, प्रहरी समुदाय साझेदारी कार्यक्रम र बीउ विजन वितरण कार्यक्रम सम्पन्न गरेको हो ।
महिला तथा बिद्यार्थीहरुको सहभागितामा बालबिबाह, बहुबिबाह, महिला हिंसा, लगूऔषधी लगाएत कानुनि व्यवस्थाका विषयमा इलाका प्रहरी कार्यालय, हरैचाका प्रतिनिधिले प्रस्तुत्तीकरण गरेका थिए । वित्तीय साक्षरता अन्र्तगत बचत, कर्जा, खर्च व्यवस्थापन, उद्यमशिलता बिषयमा मिर्मिरे लघुवित्त वित्तीय संस्था लिमिटेडका तालिम तथा सामाजिक विकास प्रमुखले प्रस्तुत्तीकरण दिएको कम्पनीले जनाएको छ ।
त्यस्तै कृषि प्राबिधिक एकाराम माझी थारुले बेमौसमी तरकारी खेतिका बारेमा प्रशिक्षण साथै सहभागि सदस्यहरुलाई बेमौसमी तरकारीका बीउ विजन बितरण गरिएको छ।
