वोमी लघुवित्त वित्तीय संस्था Womi Microfinance Bittiya Sanstha र सुर्योदय लघुवित्त वित्तीय संस्था Suryodaya Laghubitta Bittiya Sanstha ले मर्जरपछि चैत्र १९ गतेबाट एकिकृत कारोबार गर्ने भएका छन् । मर्जरपछि सूर्योदय वोमी लघुवित्त वित्तीय संस्थाको नामबाट एकिकृत कारोबार हुन लागेको हो ।
दुवै कम्पनीले नेपाल राष्ट्र बैंकबाट एकिकृत कारोबारको लागि अन्तिम स्वीकृति पाईसकेका छन् । नेपाल राष्ट्र बैंकले फागुन ५ गते यी २ संस्थालाई एक आपसमा गाभ्ने गाभिने प्रयोजनको लागि अन्तिम स्वीकृति प्रदान गरेको हो ।
दुई संस्थाबीच गत भदौ १५ गते गाभ्ने गाभिने सम्झौतामा हस्ताक्षर भएको थियो । वोमी लघुवित्तको केन्द्रिय कार्यालय काभ्रेको बनेपामा रहेको छ भने सुर्योदय लघुवित्तको केन्द्रिय कार्यालय पुतलीबजार स्याङजामा रहेको छ ।