Election 2079 Worldcup 2022

आँधिखोला लघुवित्तको विशेष साधारणसभा सम्पन्न, सीवाईसीसँगको मर्जर प्रस्ताव पारित

बिजपाटी संवाददाता

बिजपाटी संवाददाता

Sep 23, 2022 | 08:04:13 PM मा प्रकाशित

laxmi bank

मर्जर प्रस्ताव पारित गर्दै आँधिखोला लघुवित्तको विशेष साधारणसभा सम्पन्न भएको छ । कम्पनीले आज शुक्रबार स्याङ्जाको वालिङ स्थित होटल गाँउवेशीको सभाहलमा विशेष साधारणसभा सम्पन्न गरेको हो ।

सभाले संचालक समितिको तर्फवाट अध्यक्ष नरेश केसी द्धारा प्रस्तुत मर्जर सम्वन्धी प्रतिवेदनलाई सर्वसम्मत रुपमा  पारित गरेको छ। त्यस्तै सभाले सिवाईसी नेपाल लघुवित्त वित्तीय संस्था लिमिटेड र आँधिखोला लघुवित्त वित्तीय संस्था लि. एक आपसमा गाभ्ने गाभिने (मर्जर) गर्ने सम्बन्धमा सम्पन्न समझदारीपत्र (Memorandum of Understanding), सम्पत्ति, दायित्व र कारोवारको मूल्याङ्कन प्रतिवेदन (DDA), गाभ्ने/गाभिने (मर्जर) सम्बन्धमा गठित संयुक्त मर्जर समिति र सञ्चालक समितिले गरेका निर्णय एवम् सो सम्बन्धमा भएका काम कारबाही र खर्च अनुमोदन तथा अन्तीम सम्झौतापत्र स्वीकृत गर्ने प्रस्ताव पारित गरेको छ।  त्यस्तै सम्पत्ति, दायित्व र कारोवारको मूल्याङ्कन (DDA) गर्न नियुक्त लेखा परीक्षकको नियुक्ति तथा निजको पारिश्रमिक अनुमोदन गर्ने प्रस्ताव पारित भएको छ । संस्थाको प्रबन्धपत्र तथा नियमावलीमा संशोधन गर्ने , भविष्यमा  अन्य कुनै वित्तीय संस्थालाई प्राप्ति (Acquisition) गर्ने वा एक आपसमा गाभ्ने/गाभिने (Merger) प्रयोजनको लागि आवश्यक कार्यहरु गर्न सञ्चालक समितिलाई अख्तियारी दिने प्रस्ताव पनि पारित भएको छ। त्यस्तै प्रबन्धपत्र तथा नियमावलीमा भएका संशोधन तथा मर्जर सम्बन्धी कार्य उपर थप प्रष्ट गर्नु परेमा वा नियमनकारी निकायबाट कुनै विषयमा निर्देशन वा सुझाव दिएमा सो बमोजिम संशोधन गर्न सञ्चालक समितिलाई अख्तियारी दिने प्रस्ताव पारित भएको छ। 

पोखरामा केन्द्रिय कार्यालय रहेको सिवाईसी नेपाल लघुवित्त सँग मर्जर पश्चात सिवाईसी नेपाल लघुवित्त वित्तीय संस्थाको नाम वाट काम गर्नेछ ।मर्जर पश्चात संस्थाको केन्द्रिय कार्यालय पोखरा महानगरपालिका ८ सभागृहचोकमा रहने र संस्थाको प्रमुख कार्यकारी अधिकृत र अध्यक्ष समेत सिवाईसी नेपालका साविकका पदाधिकारी नै रहने छन् ।  धितोपत्र कारोवार मर्जर प्रकृयाका कारण २०७९ असार २३ देखि नै वन्द रहेको दुवै संस्थाले एकिकृत कारोवार आश्विन मसान्त भित्रै गर्नका लागि मर्जर तालिकामा सो्ही अनुरप कार्ययोजना पेश गरेको बताएका छन्। 

दुवै संस्थाले एकै दिन छुट्टा छुट्टै स्थानमा मर्जर सम्वन्धी संयुक्त प्रस्ताव विशेष साधरण सभा वाट पास गरेको आँधिखोलाका कम्पनी सचिव तथा नायव कार्यकारी प्रमुख वावुराम कुँवरले बताएका छन्। 

विशेष साधरण सभामा मर्जर समितिका संयोजक तथा पव्लिक सञ्चालक विद्या श्रेष्ठले मर्जर प्रकृया र दुई संस्था विचको मर्जरले  आगामी दिनमा गण्डकी प्रदेशको एक सवल र उत्कृष्ट लघुवित्तको रुपमा सिवाइसी नेपाल लघुवित्त वन्ने र लगानीकर्ताहरु लगानी सदाका लागी शुरक्षित रहने धारणा ब्यक्त गरेका छन् ।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved