सिद्दार्थ बैंकले लाभांश घोषणा गरेको छ । बैंकको बिहिबार बसेको संचालक समितिको बैठकले लगानीकर्तालाई गत आर्थिक बर्षको मुनाफा बाट १४ प्रतिशत बोनस वितरण गर्ने प्रस्ताव गरेको हो ।
उक्त प्रस्ताव नेपाल राष्ट्र बैंकले स्वीकृति दिएपछि र बैंकको आगामी १६ औ बार्षिक साधारणसभाले पारित गरेपछि लगानीकर्तामा लाभांश बितरण हुनेछ।
बैंकको हाल चुक्ता पुंजी ६ अर्ब ८२ करोड रहेकोमा प्रस्तावित बोनस बितरण पछि बैंकको चुक्ता पुंजी ७ अर्ब ७८ करोड पुग्ने छ। प्रस्तावित १४ प्रतिशत बोनस शेयर र यस अघिनै स्वीकृतभई जारी गर्ने क्रममा रहेको १० प्रतिशत हकप्रद शेयर समेतबाट बैंकको चुक्ता पुँजी ८ अर्ब ४६ करोड पुग्नेछ।
बैंकले हाल देशभर रहेका ८१ शाखा, ३ एक्स्टेन्सन् काउन्टर, १०५ एटिएम, ९९ शाखारहित बैंकिङ्ग सेवा र ६५० भन्दा बढी पीओएस मेसिन मार्फत् उच्चस्तरिय बैैकिङ्ग सेवा प्रदान गर्दै आएको छ । बैंकले चालु आर्थिक बर्षको मंसिर मसान्तसम्म ८२ अर्ब १५ करोड निक्षेप संकलन गरि ७३ अर्ब ८० करोड कर्जा लगानी गरेको छ।
