सफल मर्जरपछि समीट लघुवित्त र सजिलो लघुवित्तले आज मंगलबारबाट एकीकृत कारोबार सुरु गरेका छन् । मर्जरपछि समीट लघुवित्त वित्तीय संस्था लिमिटेडको नामबाट एकीकृत कारोबार सुरु भएको हो ।
दुई संस्था एक बराबर एक शेयर अनुपातमा मर्ज भएका हुन् । मर्जरसँगै लघुवित्तको चुक्ता पूँजी ३९ करोड ४३ लाख रुपैयाँ पुगेको छ।
सजिलो लघुवित्तले आइपीओ जारी नगरेकोले अब शेयर अनुपात मिलाउन कम्पनीले एफपीओ जारी गर्ने छ । एफपीओ निष्काशन गर्ने प्रस्ताव साधारण सभाबाट पारित भईसकेको छ ।
मर्जरपछि केन्द्रीय कार्यालय गोरखा नगरपालिका वडा नं १३ मझुवा देउरालीमा रहनेछ।